Lok Sabha Election shilem pezübuba agiogo

New Delhi, April 29 (Agencies): Hombarnü Lok Sabha Election 2019 shilem pezübuba agiogo.
Parliamentary constituency 71 nungi Bihar nung 5, Maharashtra nung 17, Rajasthan aser Uttar Pradesh nung terasemsem, Odisha aser Madhya Pradesh nung trokrok, West Bengal nung 8, Jharkhand nung 3 aser Jammu & Kashmir nung ka nung tanü polling agi.
Tanü West Bengal nung ozüng alema lendong atalokba osangtem angazük. Tatalokba ka nung TMC aser sepaitem tsüngda mangatettep adoka raradang BJP MP Babul Supriyo indang gari raksatsü.
TMC züngsemtemi polling booth kar atsünga agi aser parnok nisungtem mapa lemzüktsü ta Supriyo-i tai tongloktsü. Ajisüaka, TMC züngsemtemi ashiba agi Supriyo-i timtem agütsütsü atema nisung tamajungtem anir aru.
Jammu & Kashmir kübok Kulgam district nunga lung agi ona raraba osang angazüker.
2014 küm BJP-i menden 32 nungi 30 takok anguba Hindi heartland state asem nung tanü polling agütsür asadangtetbaji Rajasthan nung 62%, Uttar Pradesh nung 53.12% aser Madhya Pradesh nung 65.86% liasü.
Tanü vote teimba enoktsüba state ji West Bengal lir aser iba state nung vote enoktsür 76.47% liasü. Maharashtra nunga 52, Odisha nung 64.05%, Bihar nung 53.67% aser Jharkhand nung 63.42% liasü. Iba osang ya Election Commission-i taonung 6:00 ako tashi nung sangoktsüba lir.