Lok Sabha menden ajak nung passport centres amenoktsü

Allahabad, February 02 (Agencies): Tanü Union Minister, Manoj Sinha-i, Lok Sabha menden aika nung passport centres amenokogo aser kobi melii tanüngba constituencies nunga amenoktsü, ta metetdaktsü.
Tanü Allahabad nung Kumbh Mela commemorative postage stamp sayatsüba sentong nung jembidang Minister of state for telecommunications (Independent Charge), Manoj Sinha-i, Ato kilonser Narendra Modi-i passport atema India nunger shinga kilometer 50 dak tali mesenzüdaktsüner, ta ashi.
“2014 küm tashi nungbo linük nung passport centres 77 dang liasü. Ajisüaka tangbo 300 dak tema kümogo. Lok Sabha constituencies kar nung passport centre amenoktsü anünga lir, aser iba maparenji February ita tatemlen tashi nungbo tembangtsü,” ta Sinha-i ashi.
Union Minister-isa, Department of Posts-i India Post Payments Bank facility tenzükogo aser iba dangji “home delivery of banking services” ajatsü, ta metetdaktsü.