Lok Sabha nung Payment of Wages Bill agizük

New Delhi, February 07 (Agencies): Mongolbarnü Lok Sabha nung Payment of Wages (Amendment) Bill, 2017 agizükogo; iba bill ajanga mapa inyakertem nem cheque ajanga taa agütsütsü mesüra parnok indang bank accounts nung indangindanga taa inoktsütsü.
Iba bill ya Labour & Employment Minister, Bandaru Dattatreya-i benoka liasü aser iba bill ajanga yaküm December 28 nü Tiri benokba ozüng melentsü.
Iba bill benokdang Dattatreya-i, iba ozüng tasenba ajanga un-organised sectors nung inyakertem anema inyakba mita reprangtettsü aser parnok indang bank accounts nung taa shitak angutsü, ta metetdaktsü.
Paisa ashiba agi, iba ozüng yanglushiba ajanga Centre aser state sorkartemi industry tem dang parnok kübok inyakertem nem taaji cheque ajanga mesüra parnok indang bank accounts nung indangindanga inokjang ta tuyutsü.
Iba bill nung o lemtepdang RSP nungi N K Premachndran-i iba bill anema, ozüngji nüngdakba tensa nungang benoktsü akok ta ashi, ajisüaka iba bill nung aliba ozüngtem pai pusemogo.
Ano iba bill pusema BJP nungi Dr Virendra Kumar-ia, iba bill ajanga, mapa inyakertem nem itasen tangutsü tim magütsüi ajema agütsüba anema inyaktettsü, ta ashi.