Lokayukta atema state tem nem senotsü magütsütsü: Sorkar

New Delhi, August 12 (Agencies): Lokpal Act kübok State tem nung Lokayukta tentettsü atema senotsü agütsütsü asoshi lateta mali, ta tanü sorkari Lok Sabha senden nung metetdaktsü.

Tasüngdangba ka langzüdang Minister of State for Personnel Jitendra Singh-i, Lokpal aser Lokayuktas Act, 2013 ajanga Lokayuktas tentetba nung Central sorkari data bendentsü menüngdaker, ta ashi.

“Iba dak alia, iba Act nung Lokayuktas tentettsü atema state tem nem senotsü teyari agütsütsü latetja mali,” ta paisa ashi.

Ajisüaka Central sorkari state ajak nungi chief minister tem dang iba Act kübok pei state nung tekaraba nung Lokayuktas tentettsü asoshi metetdaktsüogo.

Iba dak sentakba nung Lokpal Act den state Lokayuktas dak sentakba kakettem model bill ka ama agizüktsü atema benokogo, ta minister-i ashi.

Lokpal aser Lokayuktas Bill ajanga, ochimashir ketdangsertem bushisüngdangtsü atema Union asoshi anti-corruption watchdog Lokpal aser state tem asoshi Lokayuktas tentettsü tuyur.

Lokpal & Lokayuktas Act, 2013 ya Jan. 16, 2014 nungi benoka inyaker. Ajisüaka iba Act nung ozüng kar yanglushitsü nüngdaka lir, aser ibaji reprangshimtsü atema Selection Committee ka tenteta lir.