Lokpal meshimra January 30 nungi longkak aittsü: Anna Hazare

Mumbai, Luchii/Dec. 02 (Agencies): Social activist Anna Hazare-i, sorkari Lokpal meshimra pai January 30 nungi tenzüka par yimdak lumia longkak aittsü, ta metetdaktsü.
Pai shidi ka ajanga Minister of State in Prime Minister’s Office (PMO), Jitendra Singh dang, Centre nung Lokpal aser state tem nung Lokayuktas shimba paidoktsü atema NDA sorkari tatemtsü kuli balala yanglur, ta aitsü.
Tamasabo Narendra Modi sorkari, Lok Sabha nung Opposition lenir maliba ajanga Lokpal meshim, ta ashi, aser tangbo sorkari, selection committee nung nüngtugu judge ka maliba agi Lokpal meshimer ta ashir, ta Hazare-i shidi nungji shia lir.
Taküm March 23 nungi pai Ramlila Maidan, Delhi nung longkak aita liasü saka PMO-i shidi ka ajanga pai akhangbaji ataloktsütsü ta nangzükba ajanga pai longkak aitba anen, iba sülen pai October 2 tashi anogo züngzüka yutsü, ta Hazare-isa ashi.
“October 2 nungi ni ozü yim Ralegan Siddhi nungi tenzüka longkak aittsü liasü, saka Maharashtra chief minister den minister temi Lokpal aser Lokayuktas shimba maparen tatembanglen kati arudar ta kü dang metetdaktsü, anungji ni ano yimli khen agüja sangküm January 30 tashi atatsü lemtet,” ta pai shidi nungjisa shia lir.
“Tan aliba sorkari Lokpal aser Lokayuktas shimtsü tebilemba mali,” ta pai aitsü.