Lokti tentet balalai DCCI Tir, Wb. Hokivi asüba mangyim osang lemsateper

Dimapur, August 04 (TYO): K.C.C.I. (Kohima Chamber of Commerce & Industry)-i sangdong ka ajanga, C.N.C.C.I. (Confederation of Nagaland Chambers of Commerce & Industry) Interim President, D.C.C.I. (Dimapur Chamber of Commerce & Industry) President aser taoba mapang D.M.C. (Dimapur Municipal Council) züngsem, Hokivi Chishi anojungi asüba atema mangyimer, ta metetdaktsü.
Pai akümli piyong shishilembartem atema inyak, aser pa asübaji shishilembar telok atema takoksa tulu asütsü; Tsüngremi mangyimer kibong nem tesünep agüjang ta onoki sarasademtsür, ta KCCI-isa metetdaktsü.
NCD: DCCI Tir, Hokivi Chishi asüba osang angashia Naga Council Dimapur-i jashia mangyimer; tang ama mangyim mapang ka nung par kibong den mangyim lemsateper; pa ya lenir tajung ka liasü ta bilemtettsü aser pai inyakba mapatemji asenok ajak atema tatishitsü tajung asütsü, ta metetdaktsü.
DUCCF: Dimapur Urban Council Chairman Federation-i sangdong ka ajanga, Hokivi Chishi ajungbena asüba atema aoksar, aser asür kinüngertem den mangyim lemsateper; Hokivi ya lenir tajung ka liasü aser pai nüngdakba nübur junga tenzükogo;Tsüngremi asür nem tatem maka anisüngzük agüjang ta sarasademtsür, ta metetdaktsü.
CCN: Concerned Citizens of Nagaland-i sangdong ka ajanga Hokivi Chishi’er kinüngertem den mangyimba osang lemsateper, pa ya lenir tajung ka liasü DCCI, NMBWA, ACAUT aser DMC ajungmesoa inyaker ka liasü, ta metetdaktsü.
MCCI: Mokokchung Chamber of Commerce & Industry-i sangdong ka ajanga, DCCI Tir, Hokivi Chishi asüba osang angashia aoksar; Mokokchung nung shishilembartem telok tenüng nung MCCI-i asür kibong den mangyim lemsateper aser pa tanela anisüngzükdakjang ta sarasademtsür, ta metetdaktsü.
Irrigation & Flood Control Parliamentary Secretary, Tovihoto Ayemi-i sangdong ka ajanga, “August 4 nü Dimapur nung DCCI Tir, H. Hokivi Chishi anojungi asüba osang angashia ni jashir. Hokivi ya nüngtugu nisung ka liasü, shibai jenjang balala nung lokti tenzükogo. Shishilembartem jenjang ajungkettsü atema pai kanga meranga inyakogo,” ta metetdaktsü. Paisa, “Pa asüba ajanga Naga nunger, shishilembartem, aser talisa Sumi nungeri lenir tajung ka takoksa nguogo. Ozü kibongi asür kibong aser kinüngertem den mangyim lemsateper aser asür tanela tatem makai anisüngzükdakjang ta sarasademtsür,” ta lemsatep.
NLRBA: August 4 nü DCCI Tir, Hokivi asüba atema Nyamo Lotha Road Business Association-i mangyimer; pa lokti tenzüker tajung ka liasü aser akokba tashi agi ajak yaria aruogo; Hokivi Chishi-i tepetzük tia nung alirtem meima inyak aser parnok taküm jenjang ajungkettsütsü atema inyaka aruogo, ta metetdaktsü.
NLRBA-isa, Hokivi asüba ya Naga nunger aser talisa shishilembartem atema takoksa tulu lir; NLRBA-i asür kibong den mangyim lemsateper aser asür tanela tesünep nung anisüngzükdangjang ta sarasademtsür, ta metetdaktsü.
GS Road: GS Road Business Owners’ Association-i sangdong ka ajanga, H. Hokivi Chishi asüba osang angashia mangyimer; pa asüba ajanga Dimapur nung shishilembartem aser talisa Naga nunger aser Sumi nunger asoshi lenir tajung ka makai kümogo; GS Road Business Owners’ Association-i asür kibong den mangyim lemsateper aser asür tanela tesünep nung anisüngzükdangjang ta sarasademtsür, ta metetdaktsü.
NSCN/GPRN UT-I: DCCI Tir, Hukivi Chishi mapang talangka shiranga aruba sülen asüba atema NSCN/GPRN-i mangyimer, ta metetdaktsü.
UT-I, NSCN/GPRN aser staff temi asür kibong den mangyim lemsateper aser asür nem tesünep agüjang ta Tsüngrem dang sarasademtsür, ta metetdaktsü.
BJYM Dimapur: Bharatiya Janata Yuva Morcha, Dimapur-i party züngsem, Hokivi Chishi asüba osang angashia aoksar aser mangyimer, ta metetdaktsü. “Pai party atema aika inyakogo aser mapang balala nung party nung inyakertem len aniogo. Hokivi Chishi asüba ya party aser Naga nunger atema takoksa tulu ka lir,” ta parnokisa metetdaktsü. BJYM Dimapur-i asür kibong den mangyim lemsateper aser asür tanela kotak nung anisüngzükdakjang ta sarasademtsür, ta sangdong nungsa shia lir.
DDCF: Dimapur District Citizens Forum-i, Hokivi Chishi mapang tatsüka shirangba sülen August 4, 2017 nü Eden Medical Centre, Dimapur nung asüba osang angashia aoksar aser mangyimer, ta metetdaktsü. DDCF Tir, N Joseph Lemtur aser General Secretary, Ahidur Rehman nati asür kibong den mangyim lemsatepba den külemi Tsüngremi asür tanela anisüngzükdakjang ta sarasademtsür, ta metetdaktsü.
MCD: Muslim Council Dimapur-i sangdong ka ajanga, Dimapur nung tongtibang lenir aser Muslim nunger den amalitepa inyaksang, Hokivi Chishi asüba osang angashia jashir aser Tsüngremi kodak nung pa nem tesünep agüjang ta sarasademtsür, ta metetdaktsü.
MCD-isa, “Asür Hokivi-i mapang shia Council atema mapa tajung inyakba mamatettsü. DMC züngsem aser DCCI Tir ama pai lokti atema mapa tajung inyaka toktsübaji Dimapur nung alirtemi mamatettsü,” ta metetdaktsü.
CNTC: DCCI Tir, Hokivi Chishi asüba osang angashia Central Nagaland Tribes Council (CNTC)-i jashia mangyimer, ta metetdaktsü. “Hokivi Chishi ya lokti atema inyaker nüngtugu nisung ka liasü aser pai temeim mapa tajung inyakbatemji Dimapur nüburtemi kodanga mamatsü. CNTC-i asür lenir atema mangyimer aser mangyimba kibong züngsemtem nem Tsüngremi tesünep aser tashi agüjang ta sarasademtsür,” ta parnokisa metetdaktsü.