Lolen Einer Rev. Lano Longchar

– A. Imdong Jamir, Sungkomen.

TSÜNGSA RUSA NUNG KITAK LUDAK ALURUWA
KIBUBAR TSÜKMENATSÜ LU
NÜBO YIMI AOBA MESHILANGSANG
CHUBA KIMA YIMPOKSÜR AZÜNGMEYAKA KÜMOGO.
OH! TERONGJEN LUMONGER
MESHILANGSANG LANO LONGCHAR
SOYIMLI LONGKHUM TENEM NUNGI
AYONGLANGLEN LONGKHUM
MOLUNGYIMSEN LAISHIR KHUNENDONG TASHI,
TSÜNGDANGPI AKONGER
OH! LOLEN EINI ARUSANG
YAMAI ATONGTET NO.

YIMPUTIR NUNGI MAMAYONGER TASHI,
KIBUBAR KILEMPOK NUNG AJEPER
MITKARTEMA NÜKTSÜ, METSÜ PROKERTEMA, MESHIMETSÜRTEMA
AJEPER, SHILANGDISÜ NA TA
YIMCHIR NÜKTSÜ KHU ABENSANG
TASÜR TSÜNGTSÜNG ATEMBA ANGASHIDANG,
ANUNG NUNG TSÜNGMOK AMOK, KOTAK KIKUM LAPOK,
AYA ! LANO LONGCHAR
MOLUTZÜKUM NUNGI JEBUS MOTSÜNGNEM TASHI
NUKTSUYIM SALEMNER MOLULISEM AMA REPRANGANGJO,
OH! ILONGA AOSANG.

MESANGWAJUNGI ROM SEPOYTEMI
ZÜKMESOA ALENA BENER TSÜNGDEN CHIOKDA
KOKROKA PENLOKER ALIDANG
AYI KORANG ASEMSANG LEPA MARU YIMTI-I
ODA ILONGA AO NUH! MEYIPA SHILANGLA SÜ…
ANUNG MONGZÜI AYIPER AO MEDEM
ENOK MUPONGSEM NUNG
NÜKTZÜYIM MALIDAK HON SÜNGKÜM TELONG
KOTAKER CHUBA YIMTI NUNG
NÜKTSÜYIM MALIDAK
KENÜ ASEN AJAK MEPET LANGPANG NUNG
OH! LOLEN EINI ARUSANG LANO LONGCHAR