Tour de France: Cummings-i Stage 7 kokogo

Lac de Payolle, July 08 (Agencies): Britain nunger cycle toktepa anishir, Stephen Cummings-i tang tagidak Tour de France tetoktepba Stage 7 tanü, Hokolbar nü kokogo.
Cummings sülen anidaka, South Africa nunger Daryl Impey aser Spain nunger Daniel Navarro nati tanü tetoktepba nung 2 buba aser 3 buba jenjang ngua liasü.
Ano, Belgium nunger Greg Van Avermaet-i overall shilem nung maneni temaba jenjang ngua pai anogo 2 tejaklen asemtsü temeten anguba yellow shirt maneni asemtsü maongka anguba osang jangjaogo.
Avermaet sülen anidaka, France nunger Julian Alaphilippe aser Spain nunger Alejandro Valverde nati overall shilem nung 2 buba aser 3 buba jenjang ngua lir.