London mayor Khan nem UK Politician of the Year naroküm agütsü

London, Metsüremi/March 9 (Agencies): London Mayor Sadiq Khan nem Politician of the Year naroküm agütsüogo. Iba naroküm ya UK House of Commons complex nung sentong ka akaba mapang pai yimden yimsüsüba tsütsü British yimtiba nung mapa tajung inyakba atema agütsü.
Annual Political and Public Life Awards koba Britain’s ‘Asian Voice’ weekly newspaper-i agütsür iba sentong nung UK defence secretary Gavin Williamson nema Cabinet Minister of the Year naroküm agütsü aser India nungi jakzükba politician Priti Patel nem Conservative Party MP of the Year naroküm agütsü.
“Onok armed force ya lokti aser kin balala nungi nüburtem sentepa kümtetba ajanga tashi itdaktsür aser parnoki asenok kümzüka ayur,” ta Williamson-i award agizükba mapang ashi.
“Ni maneni nenok tenzüker ka lir,” ta taoba UK Cabinet minister Patel-i ashi.
Arishi küm 48 tain Khan tetsü tebuo nungerbo India nung aso aser par tsürapur Pakistan nungi UK-i aru.
Yimden yimsüsüba tsütsü tanga award angurtem rongnung Democratic Unionist Party (DUP) lenir Arlene Foster, Labour Party MPs Dan Carden aser Thelma Walker nunger densema lir.
Tanga award category tem rongnung International Hotel of Year densema lir koba India Leela International hotel chain-i angu. Comedian of Year award award ya British Indian comedian Paul Chowdhry-i angu aser Restaurant of the Year ya Delhi street food restaurant Hankies-i angu.
Iba tetushi agütsüba sentong ya küm shia akar aser taküm agi küm 13buba agütsüogo. Iba sentong nung international politicians tem nungi tenzüker pei aliba lokti asoshi alakteta mapa tajung inyakertem nem tetushi agütsür.
weekly ‘Asian Voice’ newspaper azüngertemi jenjang balala nung nisungtem nominate asür aser UK nung wadang balala nung inyaker tongtibang nisungtemi kümtetba independent panel ka ajanga tendanger takokertem shimmer.