London nung A R Rahman concert ticket ajak yokzük

August 16, 2015: August 15, 2015 aonung London, O2 arena nung Grammy Award aser Academy Award angur India nunger kentener, A.R. Rahman indang kenten sentong ka kanga takok ngua agitetogo.
India nunger 69 buba Independence Day anogomung nung Rahman indang kenten sentong junga takok anguba asoshi pai twitter ajanga pa sapurtem dang pelaba osang lemsatep.
“O2 London management-i kü dang concert ticket ajak yoktetogo ta tang metetdaktsü. Yasüng nenoki alia meimba aoshi kanga pelar. Nenok asoshi ni aser ozü teloki tejangraba tulu nung shilem agiogo. Ano kobi melii ajuruteptsü,” ta Deobar nü Rahman-i twitter ajanga lemsatep.
O2 arena official website osang ajanga ashiba agi, Honibar nü, 15 August 2015 kenten sentongji takok kanga junga anguba rongnung ka lir, ta metetdaktsü.
Iba kenten sentong nungsa Neeti Mohan, Javed Ali, Karthik, Haricharan, Jonita Gandhi aser Hriday Gattani nungeria tetushi tejaoker ama shilem agiogo.