London nungi Ahmedabad tashi tayimtsü senzütsü:Modi

London, November 14 (Agencies): Ato Kilonser Narendra Modi-i, Hokolbarnü London nung Ahmedabad tashi khen danga maneni ayimba (direct) tayimtsü ka December 2015 nungi senzütsü, ta metetdaktsüogo.
“December 15 nü nungi London aser Ahmedabad na yongtsü ‘direct flight’ ka senzü tenzüktsü,” ta sangdongba mapang Wembley Stadium, London nung sendena alir India nunger Britain nung alir nisung 60,000 kanga pelatepa liasü.
External affairs ministry otongdar Vikas Swarup-i, “PM @narendramodi-i Air India tayimtsü ka London nungi Ahmedabad tashi jajatsü metetdaktsüogo,” ta twitter ajanga lemsatep.
Ato Kilonserisa ano ‘Overseas Citizen of India, (OCI)’ inyakyima reprangshitsü ta shisem.
Britain Ato kilonser Cameron den kinungtsü Samantha-i, sari agir, Wembley Stadium nung India Ato Kilonser Narendra Modi agizüka liasü.
Kanga yongaseta aliba Ato Kilonser ana ajurutepba sülen sentong nung sobaliba shilem agir, India nunger kaketshirtem den tenati sensak asem aser iba sülen Modi-i o jembia liasü.
Britain nung tang India nunger nisung million 1.5 tashi lir.