London nungi Classic Rock Show teloki Dimapur nung kententsü

December 09, 2019 nü Naithu Resort, Dimapur nung London (UK) nungi Classic Rock Show züngsemtemi osangbenertem den jembiba mapang tangokba noksa nung angur.

Dimapur, December 09 (TYO): London (UK) nungi sempet alir aser nüngutu kentenertemi tentetba Classic Rock Show pur Hombarnü Dimapur yimti tonga aruogo, aser Hornbill Music Festival tatembangbuba anogo- December 10, 2019 nü NER Agri Expo Site, Dimapur nung parnoki kententsü.
Hombarnü Naithu Resort nung osangbenertem den jembidang Classic Rock Show züngsemtemi, 2010 küm par telok tentetba sülen tang mezüng parnoki India (Nagaland) nung kententsü aliba atema pelar, ta ashi.
Parnokisa, parnoki ken 18 atentsü aser iba mapang nung Nagaland nung alirtemia parnok sülen anidaka külemi atentsü imlar, ta metetdaktsü.
Ken ajanga alima tesem balala nungi nüburtem sendakteptsür, anungji pelang aser maneni ken tennang, ta züngsem kati Nagaland nung kentenertem ayongzük.