London: Sharmila Tagore aser Shekhar Kapur nati Icon sempet angu

London, July 23, 2016 : ‘Bagri Foundation London Indian Film Festival’ nung India nungi actress Sharmila Tagore aser film director Shekhar Kapur na nem Icon Awards agüja tushiogo.
“Iba film benjung ya tetsür aser taküm tetsüri yangluba film tenet dak tuluba rangloker amung,” ta Sharmila Tagore-i ashiba variety.com ajanga metetdaktsü.
Lai, “Kü nem Icon Award agüja tushiba atema kanga pelar,” ta ashi.
7buba Bagri Foundation London Indian Film Festival ya July 14, 2016 nü tenzük aser July 24, 2016 tashi amungtsü. Iba film benjung amungba mapang London aser Birmingham na nung aliba film hall tem nung tetsür tenet-i yangluba film oshi balala 15 nung sayua mongdar.
Bagri Foundation London Indian Film Festival director Cary Sawhney-i, “Langa lir sür nung film industry temi tetushi magütsüi aliba nisungtem nem iba award ya ajanga tetushi agütsütsü onok nükjidong lir,” ta ashi.