Longchem Arogo nung Homecoming Revival akatsü

Mokokchung, April 14 (TYO): Longchem Baptist Arogo Golden Jubilee atema küm 5 jili renem sentong nung “2016 Arogo Asentenshi” ta aliba nung ajemdaker Arogoi April 25 nü nungi May 1, 2016 tashi Homecoming Revival ka Arogo Calendar nung inoka sentong yanglua lir, anungji April 25 nungi tenzüka counselor-temi kiboksema senzütsü aser April 29 nü nungi Sentep Sentong tenzüktsü, ta Longchem Baptist Arogo Secretary, A Chuba Longkumer-i tanü sangdong ka ajanga metetdaktsü.
Iba nükjidong ya 2017 küm Arogo küm 50 ajungba Jubilee mung mapang Arogopur ajak tanela nung renemshia atatsü atema lir, anungji iba revival nung Longchem nungi prokshia aliba Longchem sensosanger aser anükabang ajak arua adentsu asoshi Arogoi pelashishia jaoker, ta kasa sangdong nung shia lir. Sensosanger aser anükabang ajak arua adenba ajanga ajaki temoatsü agitettsü Arogoi imlaa atar; Kar danga marutettsüsa kümra nenok kibok sarasadem nung iba sentong asoshi bilemtetdaktsüner, ta kasa sangdong ajanga shisem.