Longchem nungi Naganijan-i aoba gari lenmang raksar trok aliba tesemtem nung yimtak lir-i nübudoka long arangokja yanglushiba noksa nung angur.
Dimapur, July 22 (TYO) : July 20 aser 21, 2016 anogotem nung Longchem Administration aser PWD (R&B) Department, Mangkolemba den Longchem, Aonokpu aser Nokpu nungertem dena Longchem nungi Naganijan-i aoba lenmang nübudoka yanglushia among, ta sangdong ka ajanga metetdaktsü.
Iba kilometer 15 gari lenmang ya Longchem telungtet nung alirtem atema kanga tongtibang lenmang lir. Tzünglu kanga arua lenmang kanga mejungi akümba ajanga iba nübudok ya ayonga among.
Iba nübudok nung nisung ajaki kanga jangrabangra arua inyak aser tayongertemi Mangkolemba ADC, E.E PWD (R&B), department balala, Longchem nüburtem, Aonokpu aser Nokpu nungertemi sen aser nübu den oset balala tenla-a yaritepba atema kanga pelar, ta sangdong nung metetdaktsü.
You must be logged in to post a comment Login