Longchem nung anentsüh aika merüktetogo

Longchem (Mokokchung), July 08 (TYO): Honibarnü District Disaster Management Authority (DDMA) Chairman, DC Mokokchung-i Mokokchung district kübok Longchem EAC Circle nung June ita nung anentsüh aluba shilem 70 shi merüktetogo, ta metetdaktsü.
Paisa, EAC Longchem, Trongdiba Tongpi-i aniba telok, EE Mangkolemba (PWD) staff tem aser Japukong Kaketshir Mungdang den Japukong Youth organization senteper yasüng Lirmen tashi gari lenmang merüktetogo aser yimdaklir nem nüngdakba osettsüset agütsüogo, ta metetdaktsü.
ADC Mongkolemba, DDMA Mokokchung officer aser SDRF personals-i tanü yim ana- Yajang A aser Yajang Model nem nüngdakba osettsüset agüja liasü.
Ano tanüngba anentsühji taonung tashi nungbo merüktettsüa akok, ta ketdangseri metetdaktsü.
Anentsüh aluba ajanga Tuli aser Assam na sendaktepba lenmang taoba hopta ana tashi shibanga liasü, aser anentsüh agi kongshiba yimtem senzütsü lenmangji Mangkolemba adena/ajanga dang liasü.