Longding nung NSCN-K pur ka khaset

Itanagar, December 13 (Agencies): Arunachal Pradesh aser Myanmar arrtsü nung Longding district kübok yimtsüng ka nung NSCN(K) telungpur ka khasetogo.
Defence otongdari ashiba agi, parnoki NSCN-K pur kar iba tesem nung rakzüka raktema senzüba osang tejangja ka angazükba sülen iba tesemi sepaitem column ka aritepa yok, aser telungpur ana atsüka aliba ki ka longbang.
“Sepaitemi telungpurtem dang parnok bendanga agütsütsü asoshi ashi saka parnoki meyiper sepaitem dak tajen meyong süa prangbong agi akha tenzük, aser iba ajanga sepaitemia meyiper parnok dak akha,” ta Kohima-based Defence PRO Colonel C Kowner-i ashi.
NSCN(K) aser Paresh Barua-i aniba ULFA-I telungpurtemi Arunachal Pradesh kübok Longding aser Tirap districts nung aser iba tesem tem den atonga aliba Assam kübok Tinsukia district nung November ita nungi tenzüka rakzükraktema arudar, ta Defence PRO-isa ashi.