Longjang Comp. nung Ak Farm school lapok

Mkg, Sept. 14 (TYO): September 12, 2017 nü ATMA, Kobulong block Mokokchung-i Longjang Compound nung ak farm school ka lapokogo, aser farm school tesayurji Wb. Subongwati asütsü.
Iba sentong nung ATM nungi Kr. Nuksungingla-i farm school dak sendakba onük lemsatepa liasü.
Farm school dak sendakba nung training ka agiba den külemi ‘Pig farming for sustainability & socio-economic upliftment’ demonstration agia liasü.
Iba sentong nung shisalen sayur, Dr. Aoyimsen Jamir (BTT convenor)-i ak metsühba, chiyungtsü agutsüyim, wara nokdangba aser management onüktem nung jembia liasü.
Sentong tatembang nung ATMA, Kobulong block-i farmschool nung amshitsü atema angati osettem den shiruru chiyungtsütem agütsü aser dept of AH& Veterinary services-ia ak metsühertem nem angati mozü den mineral mixtures agütsü. Iba sentong nung ak metsüher parnok nisung 27 aden.