Longjang Laishir Telongjem Triennial Conference agiogo

Dimapur, May 27 (TYO): May 21 nungi May 24, 2019 nü tashi Longjang Laishir Telongjem (LTT) Triennial conference Kolkota nung monga liasü; LLT asoshi iba ya mezüngbuba pei lima adena orr senden akar, ta Sünep Aier, LLT President aser Arenla Imsong, Secretary nati sangdong ka ajanga metetdaktsü.
Triennial conference nung tongti o jembir Rev. Dr. Limatula Longkümer, dean, Dept. of Research, SATHRI (Senate of Serampore) liasü. Lai laishirtem dang tanü tensa nung Arogo aser laishirtem asoshi tayongzükba wadangtem shisadanga inyaktsü aser tensa den apet Lai o rateta sayuba nung tali temulung agütsütsü ajungshi. Taküm rangben kümzüktsü inyakba wadang (wholistic ministry), lokti asoshi osangtajung mapa (social gospel), taküm jenjang balala nung alir ajak asoshi nokdakba Arogo (inclusive Church) aser Arogo nung tetsür jenjang tajungba yanglushiba onüktem nung Dr. Limatula-i tesayuba agütsü. Iba lecture senden dak alaka ano laishirtemi pei tenzükba wadang nung ajangshiba aser tayongzükbatem lemsatepa liasü.
Laishirtemisa Kolkota yimti nung tongtibang tesem kar repranga senzüa tangazükba tulu kaogo. Taruba Triennial conference 2022 küm Longjang yimtak amongtsü lemtetogo.