Longjang yimtsüng nung Advent Christmas Football Shootout ayongzüker

Dimapur, November 27 (TYO): Longjang Baptist Church Youth Ministry ajanga lokti atema “Advent Christmas Football Shootout” ka ayongzüka akatsüba sangdongogo. Iba asaya ya December 19, 2017 nü Longjang Local Ground nung asayatsü, ta Longjang Baptist Church APYM, Bendangsunep-i sangdong ka ajanga metetdaktsü.
Iba asaya nung takok angur nem senpet sen 20,000 aser tanabuba jenjang nung takok angurtem nem senpet sen 10,000 agütsütsü. Iba dak alaka ano semifinal nung tamakok anguba telok ana nem senpet sen meyirejang pongungu agütsütsü. Maneni iba asaya nung best keeper aser Best Discipline Team nem sempet agütsütsü. Iba asaya nung shilem agitsüba atema entry fee-ji sen 2000 asütsü aser form agütsütsüba atema tatembangbuba anogoji December 16 nü asütsü, ta kasa sangdong ajanga metetdaktsü.
Asaya atema form F.A.C Bus Station Mokochung anasa “Walim Enterprise nungi angutsü aser osang tejangjaba aginüra iba No. 9856197299 , 8014212995 nung tongteprateptsü asoshi asaya ayongertemi metetdaktsü.