Longkhim nung NSCN (K) züngsem ka apu

Dimapur, October 23 (TYO) : October 18, 2015 nü Longkhim Town, Tuensang nung 5 Assam Rifles-i NSCN(K) züngsem ka apu, ta AR sangdong ka nung metetdaktsü.
Osang tejangja kar angazükba sülen sepai telok kati NSCN(K) apu aser pa ket nungi pistol ka ngutet. Iba nisung ya Sergeant Major Chotsamong Sangtam ta jangjaogo, ta AR sangdong nungsa shia lir.
Pa ket nungi 22 pistol ka, Spasorid Proxivon süngjang 624 aser taitsü aketba kulikaket kar angu. Pa den külemi apuba ajakji Police Station, Longkhim ket nung agütsüogo, ta parnokisa shisem.