Longkhüm yimtak ki pezü rongdok

Mokokchung, Feb 19 (TYO): Hogulbarnep züngia 3:45 meta Longkhum yimtak kitsük kirong lendong tuluka atoka ki pezü (4) kanga mejungi rongdokogo aser ki asem (3) terara arongba osang ka ajanga angazüker.
Iba lendong nung rongsen jenti metsü akümba dak alaka nisung asü ama aser yiruyipongba osangbo kecha mangazüker. Iba mi lendong ya light ajanga adokba amai osang angazüker.
Iba kitsük kirong lendong atalokba angashia kishikina yim den mulungtet telok balalai tsüngdong oa tenla balala ajanga yaritepba osang angazüker.