Longkumer Gas Agency-i sangdonger

Mokokchung, September 11 (TYO): Deobarnü  Longkumer Gas Agency Manager-i sangdong ka ajanga, “Tzüngluruwa mongpu mapang gari lenmang mejungi akumba ajanga kidang atsükba LPG cylinders abenba nung timtem adoka hopta ishika LPG Gas cylinders agi anünger, iba den külemi LPG belentsü atema tenders asoshi teinyakdak lir, koba ajanga truck ishika dang senzüba agi Mokokchung district nung LPG refilled cylinders agi anünger,” ta metetdaktsü.
“Anungji Longkumer Gas Agency-i customers ajak dang cylinders kanga aanga amshitsü aser booking system nung amalitepa inyakdaktsüner. Iba den külemi nüburtem dang  black market inyakyim mebenshitsü mepishir, aser iba dak sendakba timtem kar adokra tim ketdangsertem den tongtepratepdaktsüner,” ta kasa sangdong ajangasa mepishia metetdaktsü.