Longleng DC ajanga Monyu benjongmong nokdanger

Dimapur, Rongchii/April 01 (Agencies): District nung novel coronavirus (COVID-19) tashidak wara prokshiba nungi nokdangtsü mechi Longleng district tesem ajungalen shibanga aliba mapang Mongu benjong amongba nokdanger, ta Deputy Commissioner, Longleng, M.Shayung Phom ajanga sangdong ka nung metetdaktsü.
Aibelener nem Epidemic Disease Act 1897 kübok Nagaland Epidemic Disease (COVID-19) Regulation 2020 indang tzüzüng ozüng nung aliba ama tapet temerenshi agütsütsü, ta sangdong ajangasa ashi.