Longleng nung ak metsüba training agütsü

Dimapur, Rongjui/September 19 (TYO): Agricultural Technology Management Agency (ATMA) Longleng-i ayongzüka September 16 nü KVK training hall, Longleng nung ak metsüba training ka agütsüogo.
Iba training ya nutrition aser diet shidak agüja ak metsüba jenjang ajungkettsü aser iba ajanga rongsenketsüng nung tajangzük aludaktsütsü nükjidong yur agi. Iba training sentong nung block ajak nungi ak metsürtem arua aden.
Sentong nung shisalen agütsürji Dr. Lily ACTO (Animal Husbandry) KVK Longleng liasü. Lai ashiba agi, ak tajangzük kaa metsütettsü asoshi ak tejanu asüdang nungi scientific balanced feeding yimya benshitsüla. Laisa, ak ya ita trok tsüngda tali ainer anungji iba dak ajemdaker ak-i kechi nutrition nüngdaker aji asateta metsütsüji kanga tongtibang ta ashi.
Iba sentong ya feeding schedule calendar lemtsür tembang. Training nung ak metsür 17 tashi dena liasü, ta DPRO Longling sangdong ka ajanga metetdaktsü.