Longleng nung anogo 2 mela sentong agiogo

Longleng, Tsüklai/February 07, 2020 (TYO): Tetsür SHGs, sorkar sentongtem, libaliroba, temeden, Bank den sendaktepa aliba aser social security scheme tsüngda tekümdangtsü sangdong nükjidong nung, Pongo yimtsüng aser Yongphang yimtsüng nung DAY-NSRLM BMMU Sakshi block Longleng ajanga February 3 aser 4, 2020 nü “Financial Inclusion” onük nung ajemdaker anogo 2 Mela sentong ayongzükja liasü.
Iba sentong nung Block staff-i BMMU Sakshi block maparen aser inyakyimtem indang metetdaktsü. Sentong nung shisalen sayur Namsung Phom (BDO) Sakshi-i MGNREGA indang nung ajemdaker jembi.
Kasa sentong nung Dr. Lily Ngullie (subject matter specialist KVK) aser Sakshi block Agri officer, C. Amei napronglai terenlok atema nükjidong yur inyaka libaliroba (sustainable Livelihoods) indang nung jembia liasü.
DC-FI Longleng, C. Purtoshi Phom-i Bank linkage, social security scheme aser Pensions indang nung jembi aser tanga Departmental scheme dak sendakba nung ADPM Longleng Bendangmongba Phom-i jembi. Sentong nungsa Pongo aser Yongphang yimtsüng Chairman napronglai jembia liasü, ta sangdong ajanga metetdaktsüogo.