Longleng nung Badminton coaching camp akatsü

Dimapur, Rongjui/September 19 (TYO): Longleng District Badminton Association-i, “Serve it, Smash it, Win it, Love it” omen nung ajemkdaker tanur aser lanur ajak atema (arishi küm 7 nungi 20) special badminton coaching camp ka ayongzüka katsütsü. Iba camp ya multi-purpose building Longleng nung September 23 nü tenzüktsü.
Camp nung head coach ji Shahloi asütsü aser iba camp akaba nükjidongji sempet aketba tanur aser lanurtem bushiteta parnok nem parnok sempet arangtetshitsü atema tangazükba balala agütsütsü asoshi lir. Shahloi-i, iba camp akaba ajanga tangar den tokteptettsüsa asayartem bushitettsü aser parnoki tarutsü nung temaba jenjang nung asayateta state asoshi konang tetushi bener arutsütsü imlaba lemsatep.