Longleng nung Disaster Management sentong ka agi

Dimapur, Luroi/August 28 (TYO): Nagaland State Disaster Management Authority aser District Disaster Management Authority (DDMA) Longleng den longjemer 12th Battalion NDRF Daimukh, (Arunachal Pradesh)-i Longleng nung August 26 nungi 28 nü tashi familiarization Exercise on Disaster Management sentong ka ayongzüka agiogo.
Inspector Sourah Singh aser Sub Inspector /General Duty Sushil Kumar lenisüba kübok20 NDRF sepai telok kati lendong mapang benshitsüba jenjang aser inyaksangshi kar sayuba den safety rules tem metetdaktsü.
Disaster Management dak sendakba nung inyakyim balala sayuba dang masü N.D.R.F team-i lendong asoshi renemshia alitsü aser takoksa tulu majurutsü atema kümzüka alitsü asoshi tasa kar agüja liasü. Parnokisa rescue operation inyakyim sayu aser yirur alirtem nem first aid agütsütsüba amala sayua liasü.
Kaketshir aser nüburtem dak alia iba sentong nung district Administration ketdangsertem, NGO, PPC, PSC, Phomla Hoichems, Chamber of commerce, ward Presidents, LTSU, DEF police,12th IR Chingdok, 2nd NAP Longleng, VGs aser ketdangsertem densema liasü.
Disaster Management Department Familiarization sentong ya taoba mapang Public local ground, Yingli College aser S.P office Longleng District Headquarter nung agiog, ta ketdangser sangdong ka ajanga metetdaktsü.