Longleng nung “International Older Person Day” mungogo

Longleng, October 3 (TYO): October 1, 2015 nü Longleng EBRC hall nung ‘International Older Person Day’ kanga takok ngua mungogo.

Iba sentong nung tongti tesemdangerji Deputy Commissioner, Y. Denngan Avennoho Phom liasü aser CDPO Y. Tauhong Phom-i sentong len ani.

DC, Avennoho Phom-i o jembiba mapang, tejenji hon ta shia sentepa aliba nisung taintem dang teintet rogotemji lokti asoshi kanga nüngdakba nisungtem lir anungji nenok ajanga asenok aliba lima tajungba akümtsü, ta ajungshia liasü.

Iba sentong nung Longleng Town Baptist Church, Youth Dept-i lai zünga ken aten aser tantsür tambur tenüng nung Rev. L. Baushan Phom-i jembi. Sentong nung nisung taintem parnok 200 dak tema den administrative officer tem aser district Hq nungi ketdangsertem aika dena liasü.