Longleng nung kaketshirtem atema awareness sentong agiogo

Longleng, Tsüklai/February 04, 2020 (TYO): Christian High School kaketshirtem den külemi Children Home aser Tribalhood Hostel, Nyengching, Longleng nungi kaketshirtem atema January 28 aser 31, 2020 nü Longleng DLSA-i Motor Vehicle Act, 2019 aser Protection of Children from Sexual Offences (POCSO) Act, 2012 nung awareness sentong ka ayongzükja liasü, ta sangdong ka ajanga metetaktsü.
Iba sentong Christian High School nung agia liasü aser Imlichuba PLV-i okila jembi. P Monyei Phom, Panel Lawyer-i “Motor Vehicle Act 2019” onük nung ajemdaker o jembi aser Christian High School, Teacher In charge-i tepela anküp o jembia liasü.
Mon DLSA-ia January 30, 2020 nü Holy Angel School, Tizit nung anogo ka legal awareness sentong ayongzüka liasü. DLSA Mon Project Assistant N Mannon-i okila jembi. Iba mapang lai POCSO Act, 2012, Consumer Protection Act, RTE, RTI, Child Labour onüktem nung ajemdaker jembia liasü. Iba den külemi tang tashi nung Mon DLSA-i ajangzüktetba aser takok angubatem lai lemsatepa liasü.