Longleng nung ‘Long Lasting Insecticidal Nets’ lema agütsü

Brihostibarnü Longleng DC, Y. Donngan Avennoho Phom-i Medical ward nung Long Lasting Insecticidal Nets (LLIN) lema agütsüdang agiba noksa angur.

Dimapur, February 19 (TYO) : February 18, 2016 nü District Health Society, Longleng-i Medical ward nung Long Lasting Insecticidal Nets (LLIN) lema agütsü.
Iba mapa ya National Vector Borne Disease Control Programme (NVBDCP) kübok inyak.
Longleng Deputy Commissioner, Y. Denngan Avennoho Phom-i sentong lapoktsüdang, malaria nungi kümzüka alitsü atema nübortemi mozü enoka aliba merla sü amshitsüla ta tayongzükba agütsü.
Long Lasting Insecticidal Nets (LLIN) ya sorkari angati agütsür aser iba asoshi department dang kanga pelar, ta DC-isa ashi.
Sentong nung Longleng Chief Medical Officer, Dr. Ritu Thurr-i o jembidang, Long Lasting Insecticidal Nets (LLIN) indang temetettsü metetdaktsü aser malaria nungi kümzüka alitsü amshitsü ayongzük.
Sentong nung Deputy Commissioner, Y. Denngan, Chief Medical Officer, Dr. Ritu Thurr, DPO (NVBDCP), Dr. Thungbemo, Ward Chairman aser medical staff o public tem aden.