Longleng nung Police Recruit-ment Rally takok nung tembangogo

Dimapur, Yimpoksüi/November 18, 2019 (TYO): Longleng kübok 12th NAP (IR) Headquarter, Chingtok nung November 14 aser 15, 2019 nü ayongzüka agiba Police Recruitment Rally sentong, timtem kecha melii takok nung tembangogo, ta sangdong ka ajanga metetdakja liasü.
Iba recruitment rally nung candidate 493-i shilem agiogo, kong tebor 394 aser tetsür 99 dena liasü. Written test atema candidate rongnung tebor 30 aser tetsür 74 qualify süogo.
Maneni, Appellate Authority ama DIG (Border), DEF Longleng aser 12th NAP (IR) Chingtok nungi SP Longleng den Commandant 12th NAP (IR), Commandant 2nd NAP, District Administration, Longleng aser Phom kin nungi President PPC, President-i anir telok tentet balala tawabangba kübok, iba rally sentong tesünep nung tembanga liasü, ta kasa sangdong ajanga metetdaktsüogo.