Longleng nung Poshan Maah tembangba sentong agi

Dimapur, Rongjui/Sept. 30 (TYO): Department of Social Welfare, Longleng ajanga Poshan Maah tembangba sentong ka September 30, 2023 nü CDPO Office, Longleng nung agia liasü.

Er. T. Shahnyu Phom, Sr. Supervisor ajanga Poshan Abhiyaan – National Nutrition mission and Poshan Maah 2023 indang rateta ashidang ‘Nutritional Rich India, Educated India and Empowered India’ omen nung ajemdaker iba sentong ya tenzük aser sorkari Poshan Maah ajanga sentong balala ayongzüka agiogo, ta ashi.

National Nutrition Mission nung Anganwadi worker aser teyariteper temi anibelem mesasai inyakba atema pai tenüngsang agütsü aser Poshan Maah benjongmung ajanga district nunga terenlok lir, ta ashi.

Pai Anganwadi worker aser helper tem dang sorkar indang scheme balala aser item scheme mapa kuma inyakba nung tawa adoka alidak apular ama Jan Aandolan ajanga nüburtem nem awareness agütsütsü ayongzük.

L. Shamdok Menlei Phom, Supervisor ajanga sempet agütsü aser Best Performing Anganwadi Workers ya Y. Pangchu Phom, Longleng-D nem agütsü aser Best Performing Anganwadi Helpers sempet ya M. Phengmei Phom, Orangkong-B nem agüja liasü.

Cooking competition nung Oushak-A ajanga mezüngbuba jenjang ngutet aser Dungkhao-A aser Bhumnyu-Cand Bhumnyu-E nungeri tanabuba aser tasembuba jenjang nguteta liasü.

Kasa mapang sempet angurtemia o tatsütsü jembia liasü.

Ngupla, AWW Longleng-G ajanga Poshan Maah nung lai ajangshiba indang lemsatepa liasü.

Iba sentong nung menden S. Longhong, District Coordinator Poshan Abhiyaan liasü aser melepzüng o Pauloi Phom, District Project Assistant, Poshan Abhiyaan ajanga jembi.