Longleng nung tebur hostel ka quarantine center ama amshitsü

Longleng, Monupii/May 17, 2020 (TYO): State tangalen nungi pei tasoli bushia arurtem atema quarantine centre talila lapoktsütsü asoshi district nung teinyaktsü tongtibang maparen ka akümer asünung, Epidemic Disease Act of 1897 kübok Nagaland Epidemic Disease (COVID-19) Regulation 2020 nung ajemdaker Yingli College, Longleng indang RUSA Boy’s hostel ya quarantine centre ka ama amshitsü asoshi, Longleng Deputy Commissioner, M. Shayung Phom-i tetuyuba agütsüogo.
Iba den bendenloksema, COVID-19 wara süshia mao mesüra wara dak sendakba nung osang tejangja ka magütsü tashi, iba hostel dak sendakba ajunga ya Longleng, Deputy Commissioner kübok achaayangtsü, ta sangdong ka ajanga metetdaktsür.