Longleng nung timtemer nem teyari agütsüba manener

Dimapur, Rongchii/April 06 (TYO): Longleng jila nung district administration aser civil society balalai makamaiter aser anogoshi aayanger nem nüngdakba osettsüset lema agütsü tenzüker anogo asem ajunger aser anogo anogo ishika nungang atemtsü.
Tamlu Sub-division, district administration aser Sub-divisional Task Force on COVID-19, Tamlu division ajanga dangalen nungi aayangi arur nisung 23, aser iba tesem nungi anogoshi aayanger nisung 78 nem Hombarnü nüngdakba osettsüset tem lema agütsü.
Sakhi One Stop Center aser Bati Bachao Bati Badhao (BBBP) nati district administration, Longleng den lungjemer Deobarnü teintet rogotem aser amitsür kibongtem semdanga jang-o-tzü, mask den item kibongtem nung aliba tetsür nem sanitary pads tem angadi agütsü.
Housing department, Longleng ajanga Lempong School, Longleng nung quarantine makeshift yaglua alidak coronavirus agi shirangertem amshitsü asoshi khen asoshi metzü meshiba tesem ka yanglutsü.