Longleng nung traffic awareness seminar agiogo

Dimapur, Rongchii/April 13 (TYO): Longleng Police aser Drivers Union Longleng na longjemer April 13 nü Superintendent of Police conference hall, Longleng nung traffic awareness seminar ka ayongzüka agiogo.

Sentong nung Superintendent of Police, Longleng Dr. Pritpal Kaur Betra, IPS-i, traffic etiquette, Motor Vehicle Act 1988, kuli kakettem nüngdakba, gari senzüsenpong temzüng ozüng sülen anidaktsü nüngdakba, gari aniba mapang yi majemtsü aser mobile mamshitsüba amala tangazükbatem agütsü. Laisa, gari ka anishitsüji khuret tulu aser ajaki temzüng ozüng sülen tashi anga anidaktsü nüngdaker aser nüngdakba mapang nung teyari agütsütsüla, ta ashi.

Kasa mapang nung SDPO Longleng I. Bunglang Chang, NPS-i, Traffic offense (MV Act 1988) indang tangazükba agütsü, Limatemjen, I/C, traffic cell Longleng-i traffic temzüng ozüng aser temaitsütem indang metetdaktsü aser Dr. Waulong, Phom District Hospital Longleng-i First Aid indang tangazükba agütsüba den inyaka sayua liasü.

Iba sentong nung District Drivers Union Longleng, Taxi Union Longleng, All Wards’ representatives, Drivers, kaketshirtem, Police cadets, aser Medical Department-i shilem agia liasü. Sentong tembangba sülen District Hospital Longleng-i achaayanga nüburtem temang angati agi tendangtsü aser bike anishirtem nem helmet lemja liasü.