Longmisa Baptist Arogo nung arishirtem sarasadem sentong ali

Oct. Dimapur, Oct. 05 (TYO): Longmisa Baptist Arogo nung küm 70 tema alirtem asoshi “Arishirtem Sarasadem Sentong” ka Oct 3, 2015 anogo agia liasü.

Iba sentong nung arishirtem ajak agi 114 tashi dena liasü. Sentong nung Mrs.Sangyula A/P (W) Mangmetong B/A ajanga “Tsüngrem den temba yimang” onük nung ajemdaker jembia liasü, aser T.Toshi Pastor Longmisa B/A aser Ms.Ajungla A/P (W) Longmisa B/A ajanga “Ni arishirtem meimer” onük nung ajemdaker yimya balala ajanga shilem agia liasü.

Iba sentong takok tulu ngua agitetba asoshi Tsüngrem nem tenüngsang agütsür, aser sentong nung shilem agirtem aser yariteper ajak dang Arogoi pelaba metetdatsüogo.

Talisa Mangmetong Baptist Arogo-i Mrs.Sangyula A/P(W) nübu melaba atema Arogo dang pelar ta Arogo tenüng nung Pastor T.Toshi-i kasa sangdong ajangasa metetdaktsü.