Longmisa nung Financial Literacy Camp kaogo

Mokokchung, November 19 (TYO): Nagaland State Co-operative Bank Ltd den Care and Support Society senteper NABARD District Office, Mokokchung teyaritep ajanga November 18, 2015 nü Mokokchung district kübok Longmisa nung Financial Literacy (FLC) camp ka ayongzüka kaogo.

Care and Support Society Managing Director, Imchawati Kichu leniba nung agiba camp nung Longmisa Village Council Chairman, Yashiimba Jamir-i tesentepertem pela agizük.

Iba sentong nung APM NABARD District Office Mokokchung, Imsunaro-i iba programme nükjidongtem metetdaktsü aser banking, savings, financial planning, credit linked subsidy schemes aser JLG onüktem nung olemtep kaa liasü, aser Asstt. Branch Manager, FLC In charge, Nagaland State Co-operative Bank Ltd, Mokokchung, Temsunungang-i APY, PMSBY, PMJJBY, Saving Account aser Credit Facilities tem kübok tajangzük balala indang metetdaktsü. Iba sentong nung nisung 72 shilem agia aden.