Longsa Baptist Arogo YIMLANG FEELLOWSHIP lapokogo

Mokokchung, July 30 (TYO): July 28 Mongulbarnü Longsa Baptist Arogo nung Yimlang Fellowship Wb. Chiten, Pastor Longsa Baptist arogo ajanga meshiteta lapoktsüogo ta LBC sangdong ka nung metetdaktsü.
Iba maparen dak sentakba nung nübur shirnokisa sarasadem nüktzü den nebu tenla tulu ajanga yaritepogo, parnok ajak dang Longsa arogo-i pelaba kasa osang nungsa metetdaktsü. Palaka, planning committee, fund raise committee aser construction team dang ani bülem tulu agiba ajanga iba tenla ki takok nung renemtetba asoshi LBA-isa pelaba shishima liasü.