Longsa Tsüngremmung benjong nung C.L John arutsü

Mokokchung, July 23 (TYO): Nagaland Tourism Department teyari nung Longsa putu mendeni ayongzüka August 1 & 2 anogo ananü Longsa yimtak Tsüngremmung benjong tulu ka ayongzüka lir. Taküm iba benjong nung Nagaland R.D & R.E.P.A Minister, C.L John tongti tesemdanger asütsü jaoka lir, ta Longsa Tourism Committee sangdong ka ajanga metetdaktsü.
Iba sentong nung Tsüngremmung ratet den akhi tsürabur yimya nung zünga aser club balalai sobaliba yar tsüngsang aser kenten menü tapu balala ia sayutsü asoshi mazüngi renemshidagi, ta osang ajangasa metetdaktsü.
Jangratemtsü kaji; iba benjong nung kishikina yim Tsatanger aser Sapatomi nungia yar tsüngsangertem arua shilem agitsü sentong renema lir.
Iba benjongmung nung sensosanger, anükapang, raliwalir mesüra yim reprangi adoknür ajak pelashishia jaoker, ta Longsa Tourism Committee-isa ayongzüka metetdaktsü.