Longsachung yimdak angadi medical camp agütsü

Dimapur, Metsüremi/March 01 (TYO): District Administration aser Beti Bachao Beti Padhao (BBBP) kübok DLCW – MSK nati Health and Family Welfare, Sakhi- One Stop Centre den lungjemer Longsachung Village Community Hall nung February 28, 2021 nü PCPNDT Act (pre conception and pre Natal Diagnostic Technique Act) aser PMMVY (Pradhan Mantru Vandana Yojana- Maternity Benefit Scheme) indang awareness sentong den Free Medical Camp ka ayongzüka liasü.

Iba sentong nung Case Worker-Sakhi-One Stop Centre, Thungbeni Kikon-i PCPNDT Act & OSC indang jembi aser Emilo, Assistant District Co-ordinator PMMVY ajanga Pradhan Mantru Vandana Yojana- Maternity Benefit Scheme indang jembia liasü.

Dr. Thungjamo Jungio, Medical Officer, Primary Health Centre, Nyiro ajanga yimdaklir den COVID mozü indang angatetdaktsü aser temang anema alitsü asoshi iba mozü ya ajaki agitsü ayongzüka liasü.

Yimtsüng semdanga nüburtem nem scheme balala indang angatetjemdaktsüba asoshi Longsachung Village Council Chairman, Yakhasao Ezung-i pelaba ashi. Iba sentong tembangba sullen yimdaklir atema angadi medical camp ka katsü, kong tashidak balala agi shiranga alir nisung 672 temang repranga angadi mozü lema agüja liasü.