‘Looop Lapeta’ nung Taapsee o Tahir nati shilem agitsü

New Delhi, Tsüklai/February 18, 2020 (Agencies): ‘Thappad’ sayaba sülen, actress Taapsee Pannu-i thriller-comedy tasen ‘Looop Lapeta’ nung shilem agitsü.
Iba film ya Sony Pictures Films India ajanga yanglutsü aser film nung Taapsee-i ‘Mardaani’ actor Tahir Raj Bhasin den külemi shilem agitsü ternemba lir, ta sangdong ka ajanga metetdakja liasü.
Looop Lapeta ya classic German thriller comedy ‘Run Lola Run’ ajizüka yangluba film ka asütsü. Iba film ya Sony Pictures den Ellipsis Entertainment longjemer produce asütsü.
Iba film nung tongti shilem agir Taapse Pannu aser Tahir Raj Bhasin napronglai Mongolbarnü Twitter ajanga osang lemsatepa liasü.
“Script tajung nung shilem agitsü asoshi ni jangrar, film ka nung shilem agitsü ano maongka nguogo, “Run Lola Run” otsü nung ajemdaker Sony Pictures India & Ellipsis Entertainment indang “LOOOP LAPETA” thriller-comedy nung @TahirRajBhasin den külemi shilem agitsü asoshi yongyar,” ta Twitter ajanga Taapsee-i lemsatep.
“Kü indang taruba film – Sony Pictures India & Ellipsis Entertainment indang “LOOOP LAPETA” nung shilem agitsü asoshi yongyar, thriller-comedy tajung ka nung semept tajung aketla @taapsee den külemi shilem agitsü jangratemer! 29.01.21 nung iba film sayatsü!,” ta Twitter ajanga Bhasin-ia lemsatepa liasü.
Iba film ya Aakash Bhatia-i direct asütsü aser film dak sendakba maparen takok ngua inyakra, film yanglurtemi iba film January 29, 2021 nü theatre nung sayatsü tebilemba lir.