Loretta Lynn-i küm 50 sülen Khristmas kensep sayatsü

September 20, 2016: Country music kentener, Loretta Lynn-i küm 50 sülen tang mezüng Khristmas kensep sayatsü ta sangdongba ajanga la sapurtem kanga peladaktsüogo.
October 7, 2016 nü lai White Christmas Blue sayatsü. 1966 küm lai Country Christmas kensep sayaba sülen tang mezüng benjungmong mongpu kensep sayar asütsü.
Iba kensep nung ken tasen ka aser Jingle Bells, White Christmas aser Silent Night ama classics aser tamalen ken Country Christmas aser To Heck With Ole Santa Claus kentem densema lir, ta TheBoot.com. osang ajanga metetdaktsü.
White Christmas Blue ya Henderson, Tennessee nung aliba Cash Cabin Studio nung producer, John Carter Cash den külemi record asü. John ya Johnny Cash aser pa kinüngtsü June Carter Cash na jabaso lir.
John-isa taküm küm tetenzüklen Lynn den Full Circle kensep nung külemi inyaksema lir.
Tawa Lynn Hurricane Mills, Tennessee nung alanga liasü, aser la tajungba küma Khristmas kensep tasen sayatsü ta sangdongba ajanga la sapurtem kanga peladaktsüogo.
Arishi küm 84 Lynn yiruba ajanga September 3 nü la aianu Crystal Gayle den külemi annual Labor Day weekend show nung shilem agitsü aliba thinena liasü, iba den külemi la surgery agitsüsa akumba ajanga sentong asem thitsü.
Lynn dak alia kentenertem- Neil Diamond, Kacey Musgraves, aser Zooey Deschanel’s duo & M. Ward aser She & Him nungeria Khristmas kensep sayatsü osang sangdongogo.