Lottery -Lottery -Lottery

– A. I. Maong Aier, Rtd. G/T , Alongmen ward Mkg.

Oh! Lottery. na shiba? Kong nungi?
Ozü oshi nungbo ne dang ya,
Mapang shia, loteta agiba ta ajar,
Hindi oshi nunga ne dang ya ghonda ta ajar,
Na angudang onok temolung khoremer
Na ya shibai puratet, kanga majung.

Oh! Lottery, naya tenük agi anguba mojing,
Na mali asübo onok ya terabo ayonga lila
Auerji tezü tener marur ta angashirako,
Saka nabo tezü tener tsüngsanga arur,
Shisadangra na ya Muslim kin mesük,
Alima sünga ayimsünga otagiko.

Oh! Lottery, na kodang arudir onok adendener,
Christmas benjung arua na tama ser arutsü,
New Year benjung arura na teti anidaker,
Moatsü aser Tsüngremmong arura na adentsü,
Yimtsür yimer benjung aka shia na alir,
Na ya kiralongrar ta onoki züngshir.

Oh! Lottery na ya tapu aika lir,
Sen angutsü ta, oset angutsü ta,
Kodang na adokba osang angashidir,
Takar, tulur ang kar adok ta angashitsü,
Mapang shia nai minprongba ajanga,
Kibong nung metokmeperi aludaktsür.

Oh! Lottery na arudang tanur danga masü,
Tain takotet kar mesüra anük apang dang arur,
Asembusa alitsüla ta ninang mochitsü mezür arur,
Senjibo ita mar ang agitsü ta mesüzüktsü,
Saka ita marbo nati ninang ama arur,
Na ajanga kibong ajak telongi alur.

Oh! Lottery na mali asübo sadoksadoka lila,
Telok mapa kar adokra tenladenji den na anidaktsü,
Alima nung sarusaji onsara, zünger mezüngrna ta,
Shisabulua bilema temulung zürepba alidang,
Nai mapang aben onok semdangba agi laktetogo,
Na mali asübo kotak mesüka lila. Oh! Lottery.