Lou Ferrigno nem Deputy mapa lemzüktsütsü

Aenjeti/January 13, 2020 (Agencies): ‘The Incredible Hulk’ nung shilem agisang Lou Ferrigno-i sheriff indang deputy ama inyaktsü, ta sangdong ka ajanga metetdaktsü.
January 16, 2020 nü Albuquerque Convention Centre nung sentong ka agiba mapang Socorro County Sheriff, William Armijo-i arishi küm 68 tain Lou nem iba mapa bendanga agütsütsü (appoint), ta kasa sangdong ajanga metetdaktsüogo.
Socorro County ketdangsertemi Ferrigno, shibai 1970s mapang Hulk shilem agia liasü, pa iba mapa nung aniokba ajanga küm aika amshia/ajangshia aruba ozüngtem nung ajemdaker tenzüktsü aser pa adenba ya department den county atema tongtibang asütsü.”
Taoba mapang nunga, Los Angeles County aser Maricopa County, Arizona naprongla nung Ferrigno-i mulungsoa deputy sheriff ama tenzükogo.
Acting tsütsü reprangdangra, Lou-i ‘The Seven Magnificent Gladiators’, ‘Sinbad of the Seven Seas’, ‘The Adventures of Hercules’ aser ‘I Love You, Man’ film tem nung tongti shilem agiba nguogo.