Love Sonia sayatsü sangdongogo

Luroi/August 18 (Agencies): Los Angeles nungi nübur telangzüba tajung aika ngua aser London aser Melbourne nungi award tem anguba sülen, tang director Tabrez Noorani indang ‘Love Sonia’ film ya India nung Rongjui/September 14, 2018 nü sayatsü atema terenemba lir.
Aruya aliba Love Sonia film otsü angadangra, India, Hong Kong aser Los Angeles tesemtem nung ozüng anema shibelenba maparen nungi küm 17 tain tetsür kati la aianu kümzüktsü atema timtem aser tetsübutsü tensa ajak ajangshiba indang asütsü. Iba film nung Manoj Bajpayee, Richa Chadha, Rajkummar Rao, Sai Tamhankar, Adil Hussain, Demi Moore, Mark Duplass den Freida Pinto aser film nung mezüng shilem agila Mrunal Thakur nunger densema lir.
Tamasha Talkies aser Samraaj Talkies den India Take One Productions, Cinemantra & Dynasty Consulting Group longjema “Love Sonia” film present asütsü. Amar Butala-i film produce süogo aser Shalini Thackeray, Deepak Nayar aser Pravesh Sahni nungeri Executive Producer inyakogo.