Lower Bayavü Giants-i 5buba 10-Northern Angami-I T20 Bash kokogo

Kohima, December 08 (TYO): Ziekezou, Kohima Village Ground nung Brotherhood Group ajanga ayongba 5buba 10-Northern Angami-I T20 Bash cricket asayamung nung tanü Lower Bayavü Giants-i kokogo.
Final asaya nung Lower Bayavü Giants teloki Upper Bayavü Sixers madak runs 18 agi koka, takok marok ajungketogo.
Mezüng batting shimtetba sülen, Lower Bayavü Giants temi overs 20 nung runs 174 yanglutet aser nisung 7 out asü. Par telok nungi Tapitu-i runs 57 agitet aser Chumbe-ia runs 33 agitet. Upper Bayavü Sixers nungi Sepichem-i wicket asem agitet saka parnoki iba runs meneptsü merangdang ball agima aser overs 20 nung par teloki runs 156 yanglutet aser wicket 7 out asü.
Upper Bayavü Sixers nungi Moarenba-i runs 43 agitet aser Depebe-ia runs 32 agitet. Lower Bayavü Giants nungi Thungchamo-i wicket pezü agiteta pa nem Man of the Final Match sempet agütsü.
Iba asayamung ya hopta asem tashi agia aru aser Khriehu Liezietsu-i sponsor süa Brotherhood Group-i ayongzükba lir. Iba asayamung indang omen ya ‘Bat for Unity’ liasü.
Iba asayamung nung champion nem senpet sen lakh 1 aser runners-up nem senpet sen 50,000 agütsü.
Asayamung nung run timba agiteter, Lower Bayavü Giant nungi Tapitu (245 runs) nem senpet sen 5000 agütsü aser wicket timba agiteter, Lower Bayavü Giants nungisa Thungchamo (12 wickets) nem senpet sen 5000 agütsü.
Iba asayamung nung Player of the Tournament sempet angusang, North Block Warriors nungi Khriesavituo nem Hero Honda Scooty ka agütsü aser Best Disciplined Team, D Khel United nem senpet sen 10,000 agütsü.