Lower Bayavu I Giants-i 4buba Norther Angami-I T20 Bash kokogo

Kohima, April 15 (Agencies): Lower Bayavu Giants-i tanü 4buba Norther Angami-I T20 Bash kokogo. Iba asayamung ya Parliamentary Secretary Khriehu Liezietsu-i senotsü teyari agüja Ziekezou, Kohima Village nung Brotherhood Group-i achaayanga aka.
Final asaya nung Lower Bayavu Giants puri Zeinuobadze High Flyers run 46 agi koka liasü. Toss koka Giants puri over 20 nung wicket 5 out sür rung 129 yanglu. Par telok rongnungi Taciturn-i run timtiba yanglu. Pai run 34 yanglu aser iba sülen Imomenbai run 22 yanglu. High Flyers bowler Talibai wicket ana agi. Aji saka run arishiba nung High Flyers pur over 18.2 run 82 dang yanglur nung ajak out süadok. Aduo aser Asuo nati run 25 aser 14 ta yanglua liasü. Lower Bayavu Giants bowler Sengulie aser SS Alam nati wicket asemsem agi. Iba asaya temer külen Giants pur captain Tapitu nem man of the match agütsü.
Iba asayamung nung takoker nem sen lakh 1 senpet agütsü aser iba sülen runners-up nem sen 50,000 agütsü.
Tanga sempet angurtem yamai liasü: Man of series- Tapitu, Lower Bayavu Giants (bike); Best bowler – Saroj, Peraceizei Royals, Best batsman – Imomenba, lower bayavu giants, Best discipline team – Kenuozou wolves.
EAC Kohima, Thejavizo Nakhro, asayamung tatembang sentong nung tetushi tesemdanger liasü aser pai sempet agütsü.