Loyem asayamung: Khulio King & Tiaren FC-i takok angu

Dimapur, Mongputeni/October 17 (TYO): Loyem Memorial Trophy koba tang Loyem Memorial Ground, Tuensang nung asayadaki iba asayamung nung Khulio King FC puri Higel Hifliers FC (Jr) 4-0 agi koka semifinal-i iogo. Parnoki league nung asaya ajak koktetogo.
Asaya nung Khulio King pur atema Benjamin-i mezüngbuba goal minute 1 nung idaktsü aser iba sülen ano paisa minute 15 aser 17 nung goal ana idakja hat trick agütsü. Parnok rongnungisa Chiu-i minute 37buba nung goal ka idakja parnok asaya akok.
Tanü tanabuba asaya nung Tiaren FC-i goal 2-1 agi United FC madak takok ngua semi-final nung shilem ka asoshi lenmang sadema lapokogo. Asaya nung Tiaren FC atema Kelep-i minute 11buba nung mezüngbuba goal idaktsü aser paisa minute 18buba nung tanabuba goal idakja liasü. Asaya mezüngbuba shilem tembangba sülen Peshie-i United FC atema minute 31buba nung goal ka idaktsü saka parnoki tanabuba goal meküptokteti asaya tembang.
October 18 nü asaya yamai alitsü:
Higel Hifliers FC Vs Skipper Young FC @ 12:00 noon
Laiket Lembou Seadogs Vs DEF, Tuensang @ 1:30 pm