Loyem asayamung osang

Dimapur, Mongputeni/October 18 (TYO): Loyem Memorial asayamung tenzüker anogo 8buba mezüng asaya nung Hügel Hifler Senior-i Young FC goal 3-1 agi kokogo. Asaya nung mezüngbuba goal Young FC nungi captain Puchai-i idaktsü, ajisüaka Hügel Hifler Senior nungi asayar Hopong, Bemolemba aser Lemba nungeri minute 46, 49 aser 58 nung goal kaka idakja parnoki asaya ayong ayonga kokogo.
Tanü asaya tanabuba nung DEF Tuensang-i goal 9 agi Laiket Lembou Seadogs kokogo. Asaya nung DEF Tuensang nungi asayar John-i minute 12, 33, 36 aser 55 nung goal pezü idaktsü. Maneni parnok rongnungisa Yemjong-i minute 8 aser 19 nung goal ana idakja liasü. Natoba, Pongjai aser Meren nungeria minute 25, 46 aser 59buba nung goal kaka idaktsü.
Oct 19 nü asaya yamai alitsü:
Hügel Hifler Junior VS United Saksi FC (12:00 Noon)
Nyenshen FC VS Tiaren FC (1:30 pm)